كود سبور- القاهرة//

عبرو نهضة بركان على الاحتجاج ديالهم على التحكيم ديال ماتش فينال كأس الكونفدرالية الأفريقية لكرة القدم ضد الزمالك المصري اليوم الاحد فتيران القاهرة الدولي.

وفأول تصريح له بعد خسارة نهضة بركان كأس الكونفدرالية فماتش الروتور مع الزمالك بواحد لزيرو، انتقد حكيم بنعبد الله رئيس نهضة بركان أداء الحكم اللي لعب المباراة السينغالي عيسى سي، وقال فتصريح قوي أنه خاص إعادة النظر فشي حوايج فالكورة الأفريقية ومنها التحكيم.

وخلق الحكم عيسى سي الجدل اليوم الاحد فماتش نهضة بركان والزمالك بالقرارات ديالو اللي شافوها بزاف ديال المتابعين كانت منحازة للفريق المصري.