كود سبور//

كاينافس الدولي المغربي إلياس بنصغير على جائزة “لگولدن بوي” أو “الفتى الذهبي”، التي تمنحها جريدة “توتو سبورت” الطاليانية، لأحسن لاعب شاب عندو أقل من 21.

وقدر المغربي إلياس بنصغير نجم موناكو الفرنسي مول الـ17 عام، يدير بلاصتو مع 24 لاعب فالعالم فاللائحة النهائية لجائزة “لگولدن بوي”، كايتعتابرو من المواهب اللي كايتسناها مستقبل كبير فالكورة العالمية، ومن الأسماء اللي معه فلاليست الدولي الإسباني من أصل مغربي لامين يامال لاعب برشلونة الإسباني.

وللإشارة فإلياس بنصغير قدر يفرض راسو مع المنتخب المغربي ونجح فالتتويج معه بالميدالية البرونزية فأولمبياد باريس2024، وقدر ياخذ الرسمية مع موناكو واخا العمر ديالو صغير.