كود سبور//

تألق اللاعب المغربي إلياس بنصغير مع الفريق ديالو موناكو الفرنسي، وهذا الشي قبل أيام فقط من الإعلان على لائحة المنتخب المغربي المستدعاة للمعسكر التدريبي الجاي، واللي من المنتظر يكون فيها.

ونجح إلياس بنصغير وقاد موناكو لتحقيق رباح مهم اليوم الاحد على ستراسبورگ، ضمن منافسات الدورة 25 من بطولة فرنسا، بعدما دخل فالشوط الثاني وماركا هدف الرباح فالدقيقة 72، على الگول المغربي علاء بولعروش اللي كيحبس للمنتخب المغربي الأولمبي.

ومن المنتظر يكون اليسا بنصغير من الأسماء الجديدة اللي غتعزز المنتخب المغربي خلال المرحلة المقبلة، وهذا الشي ضمن التغييرات اللي غيدير الناخب الوطني وليد الركراكي استعدادا لكوب دافريك 2025 ومونديال 2026.