كود سبور//

اعلن البطل المغربي الكيك بوكسينگ جمال بنصديق العودة ديالو الكوبات، بعدما كان توقف بعقوبة من طرف منظمة الگلوري بسبب مضاربة مع البطل الهولندي ريكو.

ونشر جمال بنصديق إعلان على الكومبا الجديدة ديالو اللي غاتكون ضد الهولندي ريگترز، وقال على “إنستغرام” ديالو: “إلى كل معجبين ديالي.. شنو هي الأعذار اللي غايديروها هذه المرة؟ جميع الأبطال المزعومين يواصلون الهروب، أول حاجة وقفوني لمدة 6 أشهر لحماية ملكهم المزعوم (إشارة إلى ريكو)، وشنو غايديرو دابا باش يحميو الوجه الزوين ديال أميرهم (في إشارة إلى ريگترز).

وغاتكون الكومبا بين جمال بنصديق والهولندي ريگترز يوم 19 مارس 2025، فقاعة  TRIXXO ARENA فليمبورگ البلجيكية، ضمن منافسات منظمة الگلوري.