گود سبور//

غادي يبدا محمد بنشريقة المدرب الجديد للوداد الرياضي الخدمة ديالو فالفريق الأحمر اليوم الخميس، بعدما دارو الرئيس هشام ايت منة فبلاصة الفرنسي باتريس كارتيرون.

وعلمت “گود” أن محمد بنشريفة غادي يكون فالحصة التدريبية د الوداد اليوم الخميس فالعشية فتيران بنجلون مع الخمسة دالعشية وحسم فالطاقم التقني اللي غادي يكون معه فهاد المهمة حتى نهاية هذا الموسم.

الطاقم ديال بنشريفة مكون من يوسف اشمي واللي شد الطريق اليوم من أكادير لكازا للالتحاق بالفرقة وغادي يخدم كمدرب مساعد، والمعد البدني هو إدريس واگو ومدرب لگوال هو طارق الجرموني.