كود الرباط//

كيف هو ما متوقع، صلاح الدين عبقاري، صديق وتلميذ المهدي بنسعيد، وزير الثقافة والشباب والتواصل، طلع رئيس شبيبة الاصالة والمعاصرة، فمؤتمر توفرت فيه كاع الظروف باش يطلع صديق بنسعيد ويده اليمنى في صفقات وزارة الثقافة.

وانتخب اليوم السبت صلاح الدين عبقري رئيسا لمنظمة شباب الأصالة والمعاصرة بإجماع عضوات وأعضاء المجلس الوطني الملتئم بمدينة بوزنيقة.

وقبل ذلك، انتخبت سلمى أبالحاسين مسطاسي رئيسة للمجلس الوطني لمنظمة شباب الحزب، ليختتم حزب الأصالة والمعاصرة، أشغال مؤتمر منظمة شبيبته الثاني بمشاركة 1200 مؤتمرة ومؤتمر.

فهاد المؤتمر، ممنوعة المنافسة ضد عبقري، حتى لدرجة ان قيادة البام ضغطو على واحد باغي يترشح ضد عبقري، وتنازل.

مؤتمر شكلي، وصافي، اصلا شبيبة البام كان غير حبر على ورق، قبل ما يتم احيائها هاد العام ويشدها تيار المهدي بنسعيد.

باش تعرفو مسار عبقري، كيفاش طلع بسرعة البرق ف المناصب، بعدما طلعو بنسعيد من مستشار فالديوان لمدير “كيفصل” فالصفقات لكاتب عام بالنيابة، عبقري كيتوصف ب”الشاب المدلل” عند وزير الثقافة ودبا مرشح بقوة يتختار فكونكور الكاتب العام لقطاع الثقافة .

صلاح الدين عبقاري، خريج ماكينة البام ف انتخابات 2021 ومقرب لبنسعيد، وكان داير ليه حملة انتخابية.. هاد الشاب اللي طلع بسرعة صاروخية من مستشار شاب، لمدير مركزي مكلف بالصفقات والميزانية، لدابا كاتب عام بالنيابة فالوزارة، في ظرف أقل من 3 سنوات. ودبا مرشح بقوة يشد الكاتب العام.

عبقري كان جابو بنسعيد بلاصت سميرة المليزي، اللي كانت كاتب عام بالنيابة قبلو، طارت بقرار من بنسعيد للمكتبة الوطنية، فسيناريو واضح لتفريغ الكرسي باش يجلس فيه صديقه المقرّب.