كود سبور//
عبرت نهيلة بنزينة لاعبة المنتخب الوطني المغربي للسيدات على الحزن ديالها بعد الخسارة أمام فرنسا والإقصاء من ثمن النهائي لكأس العالم للسيدات، وطلبت المسامحة من المغاربة، وأكدت أن مشوار المغرب فالمونديال هو بداية مشوار كرة القدم النسوية المغربي واللي جاي أحسن.
وتحدثت نهيلة بنزينة بعد نهاية الماتش بين المغرب وفرنسا، وقالت وهي كتبكي: “ما كناش متوقعين الخسارة بهاد النتيجة، درنا اللي علينا تقاتلنا، البنات كاملين دارو اللي عليهم، ولكن ربي ما جابش التيسير فهاد الماتش”.
وأكدت بنزينة: “بدينا الخدمة وما غتساليش وإنشاء الله نبانو بصورة مزيانة فالماتشات والمسابقات الجايين، المغرب بدا المشوار ديالو فهاد المونديال وغيكملو وكنطلبو المغاربة يسمحو لنا وشكرا”.