كود سبور//

غيدعي اللعاب كريم بنزيما، وزير الداخلية الفرنسي جيرالد دارمانان، حيث اتاهمو بلي عندو علاقة بجماعة الإخوان المسلمين.

ونفى محامي كريم بنزيما فتصريح لجريدة لوباريزيان الفرنسية علاقة الموكل ديالو بالإخوان المسلمين وأكد أن هاد الاتهامات غير كذوب وما عندها حتى أساس من الصحة.

محامي كريم بنزيما قال بلي غيرفع شكاية على وزير الداخلية الفرنسي جيرالد دارمانان اللي خرج هاد الإشاعات والاتهامات فحق الموكل ديالو، وغيتابعو الوزير الفرنسي بتهمة ترويج معلومات مغلوطة والتشهير والاهانة.

محامي كريم بنزيما أكد أن التعاطف مع ضحايا الصراع الفلسطيني الاسرائيلي هو شي حاجة إنسانية ما عندها علاقة بالأرهاب او الجماعات المتطرفة.