الرئيسية > آش واقع > بنحمزة ديال شباط ما زال هاز فكَلبو. تحاشى ولد الرشيد فكلامو عن زيارة الإستقلال لموريتانيا ودارو گاع ما كاين
06/03/2019 17:30 آش واقع

بنحمزة ديال شباط ما زال هاز فكَلبو. تحاشى ولد الرشيد فكلامو عن زيارة الإستقلال لموريتانيا ودارو گاع ما كاين

بنحمزة ديال شباط ما زال هاز فكَلبو. تحاشى ولد الرشيد فكلامو عن زيارة الإستقلال لموريتانيا ودارو گاع ما كاين

الوالي الزاز -كود- العيون ////
Elouali.zaz.1987@gmail.com

تحاشى عضو المجلس الوطني لحزب الإستقلال، عادل بنحمزة، في تدوينة عبر صفحته الشخصية ب”فيسبوك” ذكر القيادي في حزب الإستقلال وعضو اللجنة المركزية حمدي ولد الرشيد، خلال تعداده للوفد الإستقلالي المشارك بأشغال مؤتمر حزب الإتحاد من أجل الجمهورية الموريتاتي السبت الماضي.

عضو المجلس الوطني لحزب الإستقلال أتى إستحضار شخصين من ضمن الوفد الإستقلالي المشارك بدورة الحزب الحاكم الموريتاني، ويتعلق الأمر بالأمين العام للحزب نزار البركة لي أصلا دارو ولد الرشيد أمينا عاما، بالإضافة لنور الدين مضيان رئيس الفريق الإستقلالي للوحدة والتعادلية، وما بغاش يذكر ولد الرشيد ولا رحال المكاوي عضو اللجنة التتفيذية المكلف بالعلاقات الخارجية، وكيصحاب ليه دار مزية فاش ما ذكرهمش.

عادل بنحمزة هاز فكَلبو بزاف تجاه ولد الرشيد لأنه عاود ترتيب أوراق حزب الإستقلال وصفا تركة حميد شباط لي ما بقا عندهوم حتى دور، ومن بينهم عادل بنحمزة ببساطة لأن بنحمزة اصطف مع الفريق الخاسر وخدم أجندة شباط مع شي وحدين فمرحلة انتخاب أمين عام جديد للحزب.

ولد الرشيد ما محتاجش أصلا بنحمزة يدير ليه الإشهار لأن الصورة واضح شكون فيها وشكون كان حاضر. وولد الرشيد أكبر قيمة سياسيا وتاريخيا واعتباريا وسميتو يعرفها القاصي الداني ويعرفوها ناس موريتان لي سبق ليه مشا لعندهوم إبان الأزمة لي تسبب فيها حميد شباط الشاف ديال عادل بنحمزة.

موضوعات أخرى