وكالات //

حلات السلطات ف الطاليان أونكيط جديد، بسباب الموت ديال واحد البنت عندها 20 عام بعدما كلات التيراميسو فواحد المحل.

وتبين أن هاد البنت عندها الحساسية من الحليب، وماتت بعدما كلات الحلوى دالتيراميسو فيها الحليب.

البنت سميتها آنا بيليساريو وكانت كتاكل الحلوى دالتيراميسو هي وصحاباتها فواحد المحل فميلانو ف 26 من الشهر لي فات، وماتت ف 5 من هاد الشهر، بعدما تعرضات لصدمة الحساسية.

فالتفاصيل ديال الواقعة كيقولو أن البنت قرات مزيان المكونات ديال التيراميسو، وماكلاتها حتى قرات أنها مافيهاش البيض ولا الحليب ولا حتى شي حاجة بحال هكا، ولكن مللي كلاتها جاتها التقية وشوية سخفات وهما يهزوها للسبيطار.

دابا شدو جوج د البنات من لي خدامات ف الريسطو بسباب هاد الواقعة، والسلطات سحبات هاد المنتوج لي سميتو “تيراميسو ماشيربا” من الأسواق نهائيا.