وكالات //

تعرض نجم “هوليود” الميريكاني المعروف، توم كروز، لصدمة كبيرة من بنتو “سوري” بعدما قررات أنها تتخلى رسميا على الكنية ديالو.

على حساب ماقالت الصحافة ديال ميريكان، فهاد القرار جا بعدما ماشافش طوم كروز بنتو من هادي 18 عام، وهي البنت الوحيدة لي عندو من النجمة الميريكانية المشهورة كاتي هولمز.

المصادر نفسها، كتقول أن الاسم الكامل الجديد ديال بنت توم كروز هو سوري نويل، والسمية الوسطانية ديالها غادي تكون هي ديال ماماها لي عندها 45 عام.

هاد القرار كان خرج شحال هادي في الصحافة، ولكن تأكد دابا بشكل رسمي فين شاركات “سوري” فواحد المسرحية، وكشفات على الاسم الجديد ديالها بشكل رسمي.