وكالات//

علنات إيفانكا ترامب، بنت الرئيس الميريكاني السابق والمليرادير دونالد ترامب، على أنها غادي تفتاتح واحد المنتجع فاخر بزاف دارتو هي وراجلها جاريد كوشنر في ألبانيا.

هاد المنتجع سميتو “أمان” وكشفات عليه إيفانكا في واحد البودكاست دارتو مع ليكس فريدمان.

وقالت ان هاد المنتجع فيه بزاف ديال الفيلات فاخرة، وقالت أن سلسلة مطاعم إيطالية مشهورة هي لي غادي تكلف بالماكلة فيها.

وكتقول التقارير أن الليلة الواحدة في هاد المنتجع الفاخر بزاف غادي تكون ابتداءا من 50 مليون سنتيم مغربية.