وكالات//

فيبي غيتس، بنت بيل غيتس لي هو مؤسس شركة مايكروسوفت، دارت البوز وخلقات جدل كبير بعدما قالت بلا ما تقصد فبودكاست Call Her Daddy مع أليكس كوبر، أن باها ممكن يكون عندو متلازمة أسبرغر.

فيبي لي عندها 22 عام، قالت وهي كتدوي على العائلة ديالها: “بايا شوية غريب فالتعامل مع الناس. وكيما قال من قبل، راه كيعاني من متلازمة أسبرغر”.

هاد التصريح هو أول مرة شي حد من العائلة ديال بيل غيتس كيأكد بصراحة هاد النوع من التشخيص، واخا بيل كان لمح من قبل فشي حوارات أنه ممكن يكون عندو شي حاجة فطيف التوحد.

ورغم أنه ما خرج حتى شي رد رسمي من بيل غيتس على كلام بنتو، راه فكتاب المذكرات ديالو “شفرة المصدر” لي خرج فـ2023، قال أنه إلى كان تزاد فهاد الوقت، كان ممكن يتشخص بطيف التوحد، بحيث فصغرو كان صعيب عليه يتعامل مع الناس وكان كيركز بزاف على حاجات محددة.