الرئيسية > آراء > بنت الناس” المصطلح لي ختارعوه بعض اشباه الرجال ديال واحد المرأة وهمية كاتعيش غير فالمخيلة ديالهم من ناحية الزين كاتكون زوينة قنبلة! اقتصادية فحال الداسيا! كاتشبه فالغالب لمو فالتعامل ! خنوعة ! ذليلة ! كاتصبر على القهرة و الزلط و الذل و گاع عوامل التعرية و انجراف التربة !
19/01/2020 15:00 آراء

بنت الناس” المصطلح لي ختارعوه بعض اشباه الرجال ديال واحد المرأة وهمية كاتعيش غير فالمخيلة ديالهم من ناحية الزين كاتكون زوينة قنبلة! اقتصادية فحال الداسيا! كاتشبه فالغالب لمو فالتعامل ! خنوعة ! ذليلة ! كاتصبر على القهرة و الزلط و الذل و گاع عوامل التعرية و انجراف التربة !

بنت الناس” المصطلح لي ختارعوه بعض اشباه الرجال ديال واحد المرأة وهمية كاتعيش غير فالمخيلة ديالهم من ناحية الزين كاتكون زوينة قنبلة! اقتصادية فحال الداسيا! كاتشبه فالغالب لمو فالتعامل ! خنوعة ! ذليلة ! كاتصبر على القهرة و الزلط و الذل و گاع عوامل التعرية و انجراف التربة !

سهام البارودي – كود//

بغض النظر واش الفيديو حقيقي او مفبرك ! ردود افعال بزاف ديال الرجال المغاربة و خصوصا الشباب لي فمواقع التواصل الاجتماعي على الفيديو لي بانت فيه مغربية راكبة مع واحد كايمثل عليها انه سعودي كانت فيها بزاف ديال الحقد المنوي الفارغ ! الحقد لي السبب ديالو الوحيد هوا ديك اللازمة ديال علاش خيرنا يديه غيرنا و علاش خبز الدار ياكلو البراني ؟ علاش ماتعطيناش حنا نكويو و تعطيو للبراني ؟ و بزاف عجبهم الموقف و فرحو بهاداك لي دارو و ماكاتسمع منهم غي ” آ الله يعطيه الصحة ! برافو هادشي لي خاص القحاب ! هادشي لي خاص الماطيرساليست …”
المشكلة الكبيرة عند بزاف ديال الرجال المغاربة انهم ماكايرضاوش يعتارفو بلي الزلط ديالهم هوا السبب لي كايخلي “خبز الدار ياكلو البراني ” سواء فالزواج او فالقحوب ! بعض الرجال باغين يتصاحبو و يتجوجو و يديرو العشيقات و الخليلات و ينيكو العيالات فابور ! انسان باغي يدخل يساهم فالتصاحيبة و لا فالجواج غي ب*بو لا غير ! زيد على هادشي العقلية الذكورية الخامجة ! و داك التفكير ديال انا ربكم الاعلى ! ماديريش ماتفعليش ! بغي مي ! بغي ختي ! بغي طاسيلتي ! هزيني ! راري بيا ! طيبي ليا الشهيوات ! ربي ليا ولادي ! حلي ليا رجليك ! و هادشي كامل باش ؟! بوالو فابور فحالا العيالات بگرات سارحات فزريبة بوه يركب عليهم فوقما بغا و بلا مايگولو مووووو! انسان ماراضيش تايعتارف براسو انه مزلوط و انه الزلط ديالو هوا السبب ديال بزاف د المشاكل و بالعكس كايطالب الطرف الآخر بأنه يقبل بيه و عليه فحالا ديك المرا المغربية حيت كاتشارك معاه لاكارط ناسيونال راه خاصها تشارك معاه تا تينتها بزز ! راه اول خطوة فالطريق النجاح هي تعرف الديفو جاي منك و انك باغي تعيش واحد الحياة مع المرا لي ماعندكش المقومات ديالها ! الزلط هوا احد اهم و اكبر الاسباب لي كاتخلي البنات يقلبو على راسهم مع الاجنبي (طبعا ماكاينش غير الزلط كاين العقلية و التربية و الافكار و و و ) ولكن بالنسبة لقضية الرجال الخليجيين بالضبط راه الزلط هوا لي كايدي بعض العيالات لعندهم ! علاش ؟ حيت عقلية الخليجي ايكس و المغربي ايكس و تعاملهم مع المرا فحال فحال !نفس الخلفية الذكورية نفس النظرة الاستصغارية نفس الرغبة فالسيطرة و لكن كايبقاو هادوك لهيه مرفحين على هادو ديال هنا ! السيدة كاتقول مع راسها غانطلي خرية غانطلي خرية اللهم نطلي هاديك لي غاتشري ليا الرونج و شي فيلا و تعطيني فرصة نتهلا فواليدية و نديهم يحجو فسيد النبي و ندير شي حصيصة للمستقبل …. طبعا ماكاندويش على گاع الرجال المغاربة و لا گاع الرجال الخليجين حيت كيفما كاينين ولاد الناس هنا كاينين ولاد الناس لهيه و لكن المشكل فولاد القحاب ديال هنا هوا انه مقودة عليهم بالمقارنة مع ولاد القحاب ديال لهيه…

بغيتو و لا كرهتو العلاقة بين الراجل و المرا محكومة بالفلوس و الجنس و هادشي منذ قديم الزمان ! و كيما الراجل كايقلب على الزوينة فالبنات يديها من حق المرا تقلب على المرفح فالرجال تديه! من حقها تختار شريك الحياة لي غايعاونها تحسن وضعها المادي و تزيد للقدام !كاتحس بلي بعض المغاربة كايطالبو البنات باش يقبلو عليهم باش ماعطا الله و صافي ! كاتشوف قدامك انسان لا يعترف بانه فاشل و باغي واخا هوا فاشل يربط علاقة معاك بزز ! هادشي علاش كاتلقا بزاف ديال المنشورات فالفايسبوك واحد حاط تصويرة براكة رايبة و كايگوليك ” واش تقبلي تعيشي مع راجل فهاد البلاصة ؟ هنا فين غايبانو بنات الناس ” و لا حاط تصويرة عشرين درهم و كاتب فوقها ” اذا كنتي مراتي و حطيت ليك هادي و قلت ليك صايبي الغذا شنو تصايبي بيها ؟ هنا فين غايبانو بنات الناس” وا سير عاودها لراسك آ بالمزلوط و هاد الهضرة كولها ! الناس بغات تلبس و تاكل مزيان و تخرج و تفوج و تتهلا فراسها ! العيالات كايقلبو على آباء لولادهم قادين على تحمل المسؤولية المادية و المعنوية فالكوبل ! باغي تعيش سي سيد و تحكم فدارك و تخلق داك النموذج الشرقي لي فيه الراجل هوا صع صع ديال الدار ايوا قد بداك النموذج جيسكوبو ! كون عندك فلوسو و مقوماتو باش تقدر تحققو !

ديكسيونير : “بنت الناس” المصطلح لي ختارعوه بعض اشباه الرجال ديال واحد المرأة وهمية لي كاتعيش غير فالمخيلة ديالهم من ناحية الزين كاتكون زوينة قنبلة فحال شي ممثلة لبنانية !اقتصادية فحال الداسيا تعطيها عشرين درهم تصايب ليك جوج بسطيلات د الكالامار و تشيط منها فلوس خنشة د السيما! كاتشبه فالغالب لمو فالتعامل ! خنوعة ! ذليلة !كاتصبر على القهرة و الزلط و الذل و گاع عوامل التعرية و انجراف التربة ! لاخانها كادير ليه التنازل! تقدر تسكن معاه فبراكة و لا فبيت مع دارهم و لا فشي عشة د بلارج ! لاغوت عليها كاتحني الراس ! و تكون كاتصرع المسمن بالشحمة !

موضوعات أخرى

23/02/2020 11:00

إيفوارية حطات فيديو كتعاود فيه قصتها ومعاناتها مع التحرش في المغرب..والتعاليق ديال المغاربة كانت متخلفة وعنصرية: رجعي لبلادك اعزية لخانزة

23/02/2020 09:30

لوزيعة فمكتب التراكتور السياسي تقدر تفجرو. شي وحدين رجعو ريوسهم قياديين: حذفو سمياتنا ووهبي يرد: راني مازال مادرت والو