وكالات//

تفاعلات فيفيان ويلسون، بنت الملياردير إيلون ماسك، مع الأخبار ديال الترحيب بوالدها لولدو 14، وشاركت فيديو على “تيك توك”.

فيفيان، عندها 21 عام، نشرت فيديو كيبين رد فعلها على الإعلان ديال ماسك، وزادت تعليق ساخر قالت فيه: “هادشي قديم بزاف، ماشي مهم”. وأضفات في تعليق آخر أنها عرفت هاد الخبر عبر منصة Threads هاد المرة.

قبل من هاد الفيديو، فيفيان كانت نشرت فيديو آخر في 15 فبراير، وقالت فيه كيفاش عرفت بولادة خوتها الثالث عشر، وقالت إنها علمت عبر موقعReddit ، وزادت: “إلا كنت كنربح خمسة سنتات فكل مرة كنت نعرف فيها أن عندي خوت جداد عبر Reddit، غادي نكون ربحت غير خمسة سنتات… ولكن غريب هادشي يتكرر مرتين، ماشي هكا؟”.

ومن جهة أخرى، فيفيان كانت علنات على  تحولها الجنسي في يوليو 2022، ومن بعد غيرات اسمها قانونيًا باش تحذف لقب “ماسك”. حينت علاقتها بالوالد ديالها مقطوعة من شحال هادي.