الرئيسية > آراء > بنادم وللى باغي الدولة تكفل بيه وبتريكتو، وكيظل يندب فالفايسبوك وفالصفحات ، ودابا خاصو يوليو الضحايا يتنازلو للمجرمين غير حيت اللولين لاباس عليهم وماجاتهم فين والتانيين عندهم ظروف هي لي خلاتهم يديرو داكشي
20/04/2019 17:00 آراء

بنادم وللى باغي الدولة تكفل بيه وبتريكتو، وكيظل يندب فالفايسبوك وفالصفحات ، ودابا خاصو يوليو الضحايا يتنازلو للمجرمين غير حيت اللولين لاباس عليهم وماجاتهم فين والتانيين عندهم ظروف هي لي خلاتهم يديرو داكشي

بنادم وللى باغي الدولة تكفل بيه وبتريكتو، وكيظل يندب فالفايسبوك وفالصفحات ، ودابا خاصو يوليو الضحايا يتنازلو للمجرمين غير حيت اللولين لاباس عليهم وماجاتهم فين والتانيين عندهم ظروف هي لي خلاتهم يديرو داكشي

محمد سقراط-كود///

كاين واحد المنشور كيدور فالفايسبوك عبارة على إستجداء للبنك المغربي للتجارة الخارجية باش يتنازلو على الدعوة القضائية ضد الدري لي حاول يسرق هاد البنك وهو هاز سيف بدعوى أنه كان باغي يخلص العملية لباه حيت مريض بالكونسير، دابا تاعت الله واش كاين شي كونصير كثر من هاد الهدرة، راه أغلب الشفارة لي هازين السواطر فالشارع راه عندهم ظروف مماثلة، راه الفقر وقلة شي هي لي كتخلي الواحد يخرج لجريمة، إلى كان أي مجرم عندو قصة مثيرة للتعاطف خاصو مايتعاقبش بشي عقوبة قاسية فراه غادي نوليو فعهد السيبة، حيت لا أظن أنه كاين شي واحد كيقرى فأحسن المدارس وموفرين ليه كولشي وماخاصو تاخير غادي يهز ساطورة ويخرج للشارع( كاين إستثنائات طبعا)، ولكن فالعموم البؤر السوداء فين كتعشش الجريمة راه هي الأحياء الشعبية والهامشية فين كاين الفقر وقلة شي.

من غير أن بنادم وللى باغي الفابور سواء من واليديه أو الدولة وأفراد وجماعات ولاو باغين لي يتكلف بيهم ويهزهم عوض يتحملوا مسؤولية راسهم، هاهو هادشي تطور وولاو دايرين حملة تعاطف مع واحد داخل يسرق بانكة بساطورة، بغض النظر على الظروف الإجتماعية ديالو فراه كتبقى جريمة جنائية كيعاقب عليها القانون بعقوبات طويلة، واراه هادي دولة ماشي حضانة ديال الدراري الصغار، راه لي دار الذنب يستاهل العقوبة ماشي نبقاو نقلبو ليه على المبررات، واش بنادم جهل وتصمك لهاد لدرجة داير حملة تضامن مع واحد دخل يسرق بانكة، إذن على هاد الحساب راه حتى هادوك ديال شمهاروش خاص نتضامنو معاهم حيت كلهم ساكنين غير فالخرب ومقودة عليهم وماقاريين مخدامين ما ردامين.

بنادم وللى باغي الدولة تكفل بيه وبتريكتو، وكيظل يندب فالفايسبوك وفالصفحات ، ودابا خاصو يوليو الضحايا يتنازلو للمجرمين غير حيت اللولين لاباس عليهم وماجاتهم فين والتانيين عندهم ظروف هي لي خلاتهم يديرو داكشي، راه بهاد الفكر غادين للحيط دولة وشعبا، ليوم نتعاطفو مع واحد بغا يسرق بانكة باش يشري الدوا للأب ديالو، غدا نتعاطفو مع واحد سرق ساك لمرة باش يشري لحليب لولدو، بعدو نتعاطفو مع واحد تفركع فشي بلاصة حيت أمي، وفين غادين بهادشي حتى نوليو فعهد السيبة وصافي.

موضوعات أخرى