الرئيسية > ميديا وثقافة > بمليون و240 ألف درهم وهذا غير الثمن اللول.. لوحة “فالمغرب” للفنان الإيرلندي لافيري معروضة للمزاد
19/06/2021 19:00 ميديا وثقافة

بمليون و240 ألف درهم وهذا غير الثمن اللول.. لوحة “فالمغرب” للفنان الإيرلندي لافيري معروضة للمزاد

بمليون و240 ألف درهم وهذا غير الثمن اللول.. لوحة “فالمغرب” للفنان الإيرلندي لافيري معروضة للمزاد

كود – عن News Letter//

ف30 من هذ الشهر، غيتم عرض لوحة “In Morocco” للفنان الإيرلندي، سير جون لافيري، من طرف دار بونهامز للمزادات الفنية البريطانية والإيرلندية الحديثة فلندن.

وغتعرض اللوحة للمزاد بثمن مبدئي كيتقدر بين 100 الف حتى ل150 ألف جنيه إسترليني، أي بين مليون و240 ألف حتى لمليون و860 ألف درهم.

هذ اللوحة عاود اكتشفها ماثيو برادبري، مدير قسم الفن البريطاني والإيرلندي، واعتبر أن هذشي “حدث كبير”، وقال أن اللوحة كانت مع كوليكسيون من أعمال مختلفة، كانت تباعت فالثلاثينات.


واللوحة، المرسومة على القماش، كتعرض منظر طبيعي لأشجار ملونة، كَالسين تحت منها 3 أشخاص كيتناقشو، قريب من بنايات عندها تصميم بحال ديال الأضرحة. و”كيبان وجه الاشخاص الثلاثة مامعروفش مزيان، لكن يقدرو يكونو الإيرل والكونتيسا ديال بيمبروك، (العاصمة السابقة لبلد ويلز التابع للمملكة المتحدة) مع بنتهم باتريسيا هيربرت، اللي زارو لافيري فنفس الفترة فاش كان فالمغرب”، كيزيد برادبري.

وكان جا الرسام الإرلندي للمغرب عام 1891 لمدينة طنجة، وستقر فيها لمدة، وفهذ الفترة فين قرر يرسم هذ اللوحة، تحديدا فبداية عام 1920.

https://www.newsletter.co.uk/heritage-and-retro/heritage/newly-discovered-sir-john-lavery-masterpiece-up-for-auction-3273143
 

موضوعات أخرى

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:15

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة