كود سبور//

ماركا الدولي المغربي أمير ريتشاردسون للفريق ديالو ستاد ريمس على تولوز، اليوم الاحد، ضمن منافسات الدورة 9 من بطولة فرنسا لكرة القدم.

وسالا الماتش بين ريمس وتولوز بنتيجة التعادل الإيجابي واحد لواحد، وكان النجم المغربي الصاعد أمير ريتشاردسون اللي عطا الأسبقية فالماتش لستاد ريمس بهدف فالدقيقة 48، أما تولوز اللي مدخلين الماتش فتيرانهم جابو التعادل بواسطة تيس دالينكا فالدقيقة 51.

للإشارة فأمير ريتشاردسون ما كملش الماتش وخرج فالدقيقة 84، وعرف الماتش أيضا، مشاركة المغربي الاخر فصفوف ريمس يونس عبد الحمدي اللي لعب المباراة كاملة.