گود سبور//

بدا المنتخب الوطني المغربي كايوجد للماتش ديالو ضد ليسوتو فجنوب إفريقيا، ضمن الجولة الثانية من إقصائيات كأس إفريقيا 2027.

المنتخب الوطني المغربي اللي وصل لجنوب إفريقيا البارح السبت بالليل بعد رحلة مباشرة من الرباط دامت حوالي 13 ساعة فالسما، دار اليوم الأحد فالعشية أول حصة تدريبية، وعرفت هذه الحصة اللي اشرف عليها الناخب الوطني محمد وهبي، عودة كل من براهيم دياز وأشرف حكيمي بعدما براو من الإصابة، وشاركو گاع اللاعبين فهاد الحصة اللي ركز فيها الناخب الوطني على الجانب البدني والتكتيكي.

ومن المنتظر يدير المنتخب الوطني المغربي غدا الاثنين آخر حصة تدريبية قبل الماتش ضد ليسوتو، اللي غادي يكون الثلاثاء الجاي.