الرئيسية > كود-تيفي > بلية خايبة ودواها غريب.. مرفح خدم معاه بنت باش تبقى تصرفقو فـ كل مرة كيدخل لـ”فايسبوك”! – تغريدة و فيديو
01/12/2021 02:00 كود-تيفي

بلية خايبة ودواها غريب.. مرفح خدم معاه بنت باش تبقى تصرفقو فـ كل مرة كيدخل لـ”فايسبوك”! – تغريدة و فيديو

بلية خايبة ودواها غريب.. مرفح خدم معاه بنت باش تبقى تصرفقو فـ كل مرة كيدخل لـ”فايسبوك”! – تغريدة و فيديو

وكالات //

راجل مرفح، كايخدم فمجال المعلوميات، خدم بنت تبقى تصرفقو فكل مرة تحصلو داخل لموقع “فايسبوك” اللي مبلي بيه بلا قياس.

وحسب موقع “VICE” الأمريكي فإن هاد القرار خداه رجل الأعمال الأمريكي “مانيش سيثي” في 2012، بعدما عرف أنه كيضيع الوقت بزاف وهو كيدور في الأنترنت وخصوصا فمواقع التواصل الاجتماعي.

هاد الحل والطريقة، اللي فكر فيه باش يتفك من بليتو، فيها التصرفيق و واخا عنيفة لكن هي اللي صلحات معاه، على حسب كلامو، حيت لقا راسو كيضيع حوالي 19 ساعة يوميا وهو كيتسارا بين الصفحات.

السيد دار بوسط وقال أنه غادي يخلص 8 دولار للساعة لأي وحدة تحضيه وتجمعها معاه بتصرفيقة وقتما تكونكطا، وبعدها توصل بـ20 دوموند واختار في الأخير بنت سميتها كارا و هي المسؤولة دبا على العلاج من إدمان هاد الشخص وبالتصرفيق و بصالير خاص من الفوق.

موضوعات أخرى