الرئيسية > تبركيك > بلوكَوز كتطلب 5 آلاف درهم باش تحط تصويرة في انستكَرام والناس كيتاهموها بالنصب
14/03/2019 12:00 تبركيك

بلوكَوز كتطلب 5 آلاف درهم باش تحط تصويرة في انستكَرام والناس كيتاهموها بالنصب

بلوكَوز كتطلب 5 آلاف درهم باش تحط تصويرة في انستكَرام والناس كيتاهموها بالنصب

اسماء غربي – كود//

واحد الشوهة كتدور في الكَروبات والصفحات ديال الانترنت، البطلة ديالها زهراء الساهر لي كتغني وكتدير الماكياج وكتعرض القفاطن.

هاد البلوكَوز اللي عندها مليون و200 متتبع، وبنت فاس قالباها بيع وشرا في انستكَرام لي بغا تحط تصويرة في الستوري مع صفحتو خاص يخلص 2000 درهم، ولي بغا تحط تصويرة في الصفحة يخلص 5000 درهم.

حتال هنا الأمور عادية والناس قبلو شروطها، لكن بعض العيالات كيبيعو منتجات اتهموها بالنصب والاحتيال وحطو محادثات ديالهم معاها وأكدو انها شدات الفلوس وقلبات وجهها، طبعا من غير هادشي ماعندهم حتى حجة حقيقية، يعني كتبقى كلمة زهراء ضد كلمتهم.

وهاد السوجي هو لي داير حالة دابا فالنيت، كولشي داوي عليه لدرجة نساو ايكشوان ايكنوان.

وزهراء، كتبات ستوريات فانستگرام ديالها كتقول فيهم أنها مظلومة وغادي تاخد حقها من بعد.

 

موضوعات أخرى