الرئيسية > آش واقع > بلوكاج فالبرلمان..تسريبات: البيجيدي متمسك بحضور جميع البرلمانيين ديالو للتصويت ضد القاسم الانتخابي ورفض الشروط ديال المالكي
05/03/2021 17:30 آش واقع

بلوكاج فالبرلمان..تسريبات: البيجيدي متمسك بحضور جميع البرلمانيين ديالو للتصويت ضد القاسم الانتخابي ورفض الشروط ديال المالكي

بلوكاج فالبرلمان..تسريبات: البيجيدي متمسك بحضور جميع البرلمانيين ديالو للتصويت ضد القاسم الانتخابي ورفض الشروط ديال المالكي

كود الرباط //

علمت “كَود” أن فريق ال”بي جي دي” داير اجتماع دبا باش يحسم الموقف ديالو من الشرط اللي دار الحبيب المالكي رئيس مجلس النواب، باش يتم التصويت على القوانين الانتخابية، والمتمثل في حضور 30 عضو فقط  من فريق العدالة والتنمية.

وحسب التسريبات التي حصلت عليها “كَود” فإن التوجه العام فالاجتماع ديال فريق ال”بي جي دي” هو التشبث بالموقف المتمثل في حضور جميع النواب وعلى المالكي اتخاذ الإجراءات التي تضمن التباعد داخل قاعة المجلس.

الحبيب المالكي، رئيس مجلس النواب رفض حضور 120 برلماني من البي جي دي، واشترط بدء جلسة التصويت بحضور فقط 30 نائب من البي جي دي.

يشار الى ان البي جي دي دار انزال اليوم فالجلسة العامة للي مخصصة للتصويت على القوانين الانتخابية بما فيها القاسم الانتخابي على اساس المسجلين، بحيث حضرو  120 برلماني من هاد الحزب، في الوقت اللي الاجراءات الاحترازية فرضات حضور فقط ممثلين عن كل فريق.

حسابيا البي جي دي يقدر يربح المعركة ويسقط القاسم الانتخابي على أساس المسجلين.

معطيات “كَود” تفيد بأن الامانة العامة لحزب العدالة والتنمية، قررت دير التصعيد  بخصوص الموقف النهائي من فقدان رئيس الحكومة للإغلبية، بعدما صوتت الاخيرة مع المعارضة على تعديل يقضي باحتساب القاسم الانتخابي على اساس المسجلين.

موضوعات أخرى

21/04/2021 21:10

وفضيحة هادي.. وزارة التربية الوطنية: الكاتب المغربي سعيد ناشيد تعزل من الوظيفة بسبب السفريات خارج المغرب بلا ترخيص والغياب من الأقسام وماشي الكتابات ديالو

21/04/2021 21:00

رمضان وكونفينمون (الحلقة 7).. مينة بوشكيوة فحوار مع “كود”: ماكنصومش وبزاف من الجيل الجديد كيفطرو رمضان.. وأنا كون جاو عليا 50 فالمية ديال الجوامع فالمغرب يسدوهم