كود: بوزنيقة//

عاينت “كود” استعدادات مكثفة لإجراء انتخاب أعضاء اللجنة التنفيذية لحزب الاستقلال لي وقع فيها بلوكاج البارح بعدما تم انتخاب الأمين العام.

مصادر “كود” قالت بلي كاينة لائحة باقي سرية وغايعممها نزار بركة على أعضاء المجلس الوطني بعد ساعات باش تم مناقشتها.

وأضافت ذات المصادر، بأن اللائحة لي غاتكون مكونة من 34 مرشح، مهددة بالرفض وفهاد الحالة غايمشيو للتصويت لي غايكون فصالح تيار ولد الرشيد غالبا.

يذكر بلي التيارات المتنافسة فحزب الاستقلال، خدامة بقوة فهاد اللحظات باش تحاول تدفع بأسماء جديدة داخل اللجنة التنفيذية، وغايكون الصداع على الأسماء الأربعة لي غايزيدها الأمين العام نزار بركة.