الرئيسية > كود سبور > بلهندة ارجع بزربة.. بدا التداريب ببروطيج على وجهو وباغي يلعب الديربي
26/09/2019 16:00 كود سبور

بلهندة ارجع بزربة.. بدا التداريب ببروطيج على وجهو وباغي يلعب الديربي

بلهندة ارجع بزربة.. بدا التداريب ببروطيج على وجهو وباغي يلعب الديربي

مصطفى الشاذلي – كود سبور//

يونس بلهندة، لاعب غلطة سراي التركي والمنتخب الوطني، ارجع بزربة للتداريب، واخا مهرس فالفك ديالو، ودار عليه عملية جراحية

فاتح تيريم، مدرب غلطة سراي عجبو الحال، لأنه عارف قيمة الدولي المغربي فوسط التيران.

بلهندة ما شي ارجع للتداريب أو صافي، بل عبر على رغبتو باش يلعب الديربي كونتر فنربخشة التركي نهار السبت الجاي، لي كايلعب فيه الدولي المغربي نبيل درار.

اللاعب المغربي دار البروطيج على وجهو، خوفا من احتكاكه مع أي لاعب، خصوصا وأنه مازال ما براتش ليه الضربة، وتحدى تقرير الطاقم الطبي ورجع يتريتي، باش يكون واجد نهار السبت جاي.

عودة بلهندة ما فاجٱتش غير المدرب تيريم، حتا الجمهور وصحابو فالفرقة ما كانوش كيتوقعو يرجع بزربة، خاصة أن طبيب الفريق حدد مدة غيابو ف45 يوم.

المدرب تيريم ما كيشوف حتا شي مانع باش يكون بلهندة فالديربي إلى دار الواقي، لأنه ما شي ممنوع. وأكد “ما شي مشكل يلعب ولكن يقدر يلقا صعوبة بالتنفس. لهذا خصصنا ليه بروطيج خاص”.

واخا ارجع للتداريب وقرقتو غلطة سراي، لكن غادي يكون صعيب يشارك مع المنتخب المغربي فالماتشات ديال ليبيا والغابون.

.

موضوعات أخرى

22/10/2019 15:11

أنا غاضب منكم يا سلفيي موقع “هوية بريس”! هل هذا جزائي أيها الزملاء السلفيون. وبجدية. وبنظرات شزراء. تتهمونني بتكفير أحمد الريسوني

22/10/2019 14:41

ألماني يرونها فابتدائية أكادير. تعرا داخل المبنى ووقف قدام الناس كما ولداتو مو وخلا كلشي كيتجارا.. وها علاش دار هاد الفضيحة