گود سبور//

عبر الدولي المغربي يوسف بلعمري على الرغبة ديالو هو ولاعبين المنتخب المغربي، فالرباح على منتخب تنزانيا لتحقيق التأهل إلى كاس العالم 2026.

وهضر يوسف بلعمري فتصريح للموقع الرسمي ديال الجامعة الملكية المغربية لكرة القدم، قبل مواجهة المنتخب التنزاني، وقال: “الماتش الجاي ضد منتخب تنزانيا ما غيكونش ساهل، ولكن كانوجدو له مزيان، والثلاث نقاط ديالو مهمة، ويخالينا نتأهلو لكاس العالم 2026”.

وكمل بلعمري وقال: “الجمهور ديما فالظهر ديالنا ومساندنا طيلة 90 دقيقة، وغانكونو محتاجين له ضد تنزانيا باش يدعمنا بزاف، وغادي نفرحوهم ونفرحو الشعب المغربي”.