كود سبور//
عبر رضا بلحيان لاعب هيلاس فيرونا الإيطالي على الفرحة ديالو الكبيرة حيث عيط له الناخب الوطني وليد الركراكي، لأول مرة باش يلعب مع المنتخب الوطني المغربي.
وتفاعل رضا بلحيان مع استدعاء وليد الركراكي له باش يحضر الجوج ماتشات ديال المنتخب الوطني المغربي ضد أفريقيا الوسطى برسم الجولة الثالثة والرابعة من إقصائيات كأس إفريقيا 2025، وقال على إنستغرام ديالو: “فخور، والجزء الأول من الحلم ولى حقيقة”.
وكمل اللاعب المغربي الشاب مول الـ20 عام، وقال: “ما قادرش نصبر باش نلبس توني المغرب.. ديما مغرب”.
