كود كازا ///

إعلان إشهاري كايدوز على ميدي1 تيفي فيه بأن القناة غتقدم الاربعاء الجاية برنامج خاص حول الثقافة العبرية في الهوية المغربية. گود سولات و عرفات بأن المشروع كايشرف عليه مسؤول القسم الثقافي بلال مرميد، و اللي مطلع على مسارو كايعرف بأن هاد ولد الدار إعلامي و ناقد مطلع و عارف مزيان آشنو كايدير وقافز ولبيب.

وفق ما علمته “كود” فاللقاء غيكون مباشر. فيه جوج سوايع ومشاركين فيه متدخلين متميزين بجوج لغات٬ بمعنى أمسية بالفرنسية مع خديجة إحسان و أخرى مباشرة مع إيمان أغوتان. القناة اشتغلات مزيان على المضمون، و في الأمسية غايكونوا حاضرين فنانين و جامعيين وسياسيين ولكن الطابع الثقافي هو العملة الأساسية.

الإعلان الإشهاري فيه أن عنوان الامسيتين بجوج هو تامغرابيت و الإحالة هنا واضحة على أن الأمر كايتعلق بموعد ثقافي كبير موجه لمغاربة العالم بكل أطيافهوم و تشكيلاتهوم.

مزيان الأمور يتكلفوا بها ولاد لحرفة راه النتيجة غادية تكون خدمة تلفزيونية نقية محتاجينها فبلادنا.

لاربعا نشوفو البرنامج لاربعا الجاية