كود سبور//

مرشح الدولي المغربي بلال الخنوس باش يمشي من ليستر سيتي النگليزي، بعدما طاح الفريق رسميا للقسم الثاني فبطولة النگليز، وفريق كبير فالنگليز باغينو يلعب معهم.

وكشفت جريدة “Sport” الإسبانية، أن عدد من اللاعبين ديال ليستر سيتي، غايمشيو من الفريق حيث الفريق طاح للقسم الثاني من بطولة النگليز، وعدد من اللاعبين ما غايبغيوش يلغبو فالقسم الثاني، وحتى ليصالير ديالهم طالعين وصعيب النادي يخلصهم ومن بينهم بلال الخنوس.

وحسب نفس المصدر، فبلال الخنوس مهتمين به ليفربول النگليزي وباغيين يسنيو معه فالصيف الجاي، وأن عدد من الأندية الأوروبية الكبيرة، كانت مهتمة به فالميركاتو الشتوي الماضي من بينها روما الإيطالي، وبنفيكا البرتغالي، ولايبزيگ الألماني، وأولمبيك مرسيليا الفرنسي، وگلطة سراي التركي.