كود سبور//

نايضة فبلجيكا بسبب اعتداء تعرض له الدولي المغربي بلال الخنوس لاعب جينك البلجيكي فماتش أنتويرب أدلو، ضمن منافسات البطولة البلجيكية.

وحسب وسائل إعلام بلجيكية منها موقع rtbf البلجيكي، اللي قال أن مكتب المدعي العام فبلجيكا فتح تحقيق فشبهة عبارات عنصرية تسمعت فالماتش بين الفريقين اللي تلعب السبت الماضي، واللي بلغ على هذا الشي واحد المشجع كان كيتفرج من المدرجات.

نفس المصدر كمل وقال بلي القضية فيها التمييز العنصري وان شي مشجع ديال فريق أنتويرب عاير ووصف لاعبي جينك الأجنبيين بلال الخنوس وصاحبو كارلوس كويستا بألفاظ عنصرية.