كود سبور//

ربح الدولي المغربي بلال الخنوس جائزة أحسن لاعب فالبطولة البلجيكي فالموسم الرياضي 2023-2024.

وخدا النجم المغربي الشاب اللي كيلعب مع جينك البلجيكي جائزة أحسن لاعب فبلجيكا بعدما دار موسم مزيان مع الفريق ديالو، اللي لعب معه 49 ماتش.

وقدر بلال الخنوس فهاد الموسم يماركي 3 أهداف، وساهم فتسجيل 6 أهداف اخرى بتمريرات حاسمة، مع العلم أن النجم المغربي الشاب مول الـ20 عام عندو عروض قوية من فرق كبيرة فأوروبا وخصوصا من ألمانيا.