كود سبور//

تعرض الدولي المغربي بلال الخنوس للإصابة مع الفريق ديالو ليستر سيتي بعدما تألق ضد ويستهام، وماركا فالماتش بين الفريقين اليوم الثلاثاء ضمن منافسات بطولة النگليز.

وكان بلال الخنوس ورا تمريرة الهدف الأول ديال ليستر سيتي على ويستهام وعطى الاسيست لجيمي فاردي اللي ماركا الهدف، وقدر النجم المغربي يماركي الهدف الثاني ديال ليستر سيتي فالدقيقة 60، قبل ما يتوعت ويخرج فالدقيقة 74، بسبب الإصابة اللي ما قدرش بسببها يكمل الماتش.

للإشارة فهذا أول ماتش ديال الهولندي رود فان نيستلروي مع الفريق ديالو الجديد لليستر سيتي النگليزي، واللي كايلعب معه بلال الخنوس اللي من المنتظر يدير غدا فحوصات طبية باش يعرفو شنو عندو.