كود سبور//

غايتحرم المنتخب الوطني المغربي الأولمبي من اللاعب بلال الخنوس فدومي فينال أولمبياد باريس2024، ضد منتخب إسبانيا بسبب العقوبة الانضباطية.

وارتفع عدد البطاقات الصفرا اللي خدا بلال الخنوس حتى لدابا فأولمبياد بارس إلى 2 بطاقات، وحدة خداها فماتش ربع النهائي ضد الميريكان والأولى كان خداها فمرحلة المجموعات، وهذا الشي غايخليه يتوقف لماتش واحد وما يلعبش الدومي فينال، ومطالب المدرب السكتيوي باش يلقى حل لهذا الغياب وغالبا غايلعب بنيامين بوشواري فبلاصتو.

وبالمقابل فاللاعبين الـ7 الآخرين اللي كانو حتى هما مهددين بعدم المشاركة فالدومي فينال حيث كل واحد فيهم كانت عندو بطاقة صفرا فدور المجموعات، غايكونو حاضرين فالدومي فينال بعدما تلغات لهم البطاقة الصفرا ابتداء من نصف النهائي.