الرئيسية > تبركيك > بكلمات مؤثرة.. المشاهير نعاو عزيز سعد الله – فيديوهات وتصاور
14/10/2020 18:00 تبركيك

بكلمات مؤثرة.. المشاهير نعاو عزيز سعد الله – فيديوهات وتصاور

بكلمات مؤثرة.. المشاهير نعاو عزيز سعد الله  – فيديوهات وتصاور

نجوى المالحي-كود//

خلف الموت ديال الفنان الكبير عزيز سعد الله حالة من الحزن في صفوف الفنانين لي نعاوه بكلمات مؤثرة على حساباتهم على مواقع التواصل الاجتماعي، واذكروا اللحظات والأعمال الفنية لي جمعاتهم.

عزيز سعد الله، رفيق درب الفنانة خديجة أسد، كان واحد من أهرام الفن في المغرب، وخلا بزاف ديال صحابو وزملاؤو يتفكروه اليوم، منهم دنيا بوتازوت لي نشرت صورتها مع الراحل وكتبت عليها كلمات تدكرات بيها العمل لي جمعهم لأول مرة.

العراب ديال “لالة فاطمة” كتب عليه المغني حاتم عمور، لي حتى هو تفكر مشاركتو معاه في مسلسل بنت بلادي لي تعرض قبل سنوات على القناة الثانية.

ولطيفة رأفت كانت أول من نشر العزا في عزيز سعد الله، ونشرت صورتها مع الراحل ومراتو خديجة من أيامات الشباب وكتبت عليها “إنا لله و إنا إليه راجعون،خبر حزين و صدمة كبيرة لا اعتراض لقدر الله، فقدت اليوم أخ و صديق عزيز على قلبي وعلى قلوب المغاربة عامة فنان مسحري و تلفزيوني بحجم وطن…”

ومن بين الفنانين الاخرين لي نعاو عزيز سعد الله، المغنية أسماء لمنور، و فرح الفاسي، ويوسف الجندي، وسعد لمجرد، لي كانت كتجمع عائلتو بعائلة سعد الله علاقة قريبة.

موضوعات أخرى

27/10/2020 17:50

أخنوش: الموسم الفلاحي 2020-2021 غادي يشهد إنجاز قياسي منتظر من التمور بزيادة 4 فالمائة وإنتاج الحوامض بـ29 فالمائة والزيتون بـ14 فالمائة

27/10/2020 17:30

مابقيناش نطيحو على 70 وفاة بكورونا والإصابات فاتو 200000.. اليوم 3988 مغربي ومغربية تصابو و72 ماتو و2784 تشافاو.. الطوطال: 203733 إصابة و3445 وفاة و168706 متعافي.. و31582 كيتعالجو منهم 766 فحالة خطيرة

27/10/2020 17:00

نشرة كورونا النصف شهرية: 737 واحد مات و45984 تصابو بالفيروس ف 15 اليوم.. والسيمانة اللخرة هي فين كان الروكور فالوفيات والحالات الحرجة