الرئيسية > كود-تيفي > هادي اللي كانت باقية.. المغاربة كاعيين بسباب سرقة الدزاير لسلسلة “حديدان” – فيديو
10/04/2021 14:00 كود-تيفي

هادي اللي كانت باقية.. المغاربة كاعيين بسباب سرقة الدزاير لسلسلة “حديدان” – فيديو

هادي اللي كانت باقية.. المغاربة كاعيين بسباب سرقة الدزاير لسلسلة “حديدان” – فيديو

كود كازا//

البعض استهزء وقال “هو اللي بقا ليهم يسرقوه”، وشي وحدين وصفهم ب”عبيد الثقافة المغربية”، من بعدما عرض التلفزيون الجزائري برومو مسلسل جديد، فيه شبه كبير مع مسلسل حديدان.

وعلى مواقع التواصل الاجتماعي نايضة روينة، نشطاء مغاربة بزاف كيبارطاجيو فالبرومو على نطاق واسع، وكيستهزؤو ويساركازميو عليه، واتهمو بهذشي التلفزيون الجزائري بالسرقة المفضوحة لشخصية حديدان، اللي كياديها الممثل كمال الكاظمي.

وقالو النشطاء أن الشخصية الرئيسية دالمسلسل، اللي سميتو “بوصندوق”، كيشبه كثيرا لحديدان، فتصرفاتو، وحتى فنبرة صوتو المبحوحة، وكذلك المسلسل كامل شابه لسلسلة حديدا، لا من حيث الاحداث او الديكور.

وطالبو النشطاء مخرجة العمل، فاطمة بوبكدي، بمقاضاة القائمين على هذ العمل بسبب السرقة الأدبية بلا الموافقة ديالها.

موضوعات أخرى

17/05/2021 20:20

الحكومة و رجوع مغاربة العالم فهاد الصيف.. النائب البرلماني حجيرة: خاصها توضح الإجراءات اللي موجدة لهاد العملية – وثيقة