كود سبور//

من المنتظر وبنسبة كبيرة يمشي يوسف بلعمري لاعب الرجاء الرياضي، عن الفريق الخضر خلال الميركاتو الصيفي المقبل باش يحتارف على برا.

وحسب مصادر مطلعة، فيوسف بلعمري الظهير الأيسر للرجاء الرياضي صعيب بزاف يكمل فالفريق الاخضر خلال المرحلة المقبلة، واخا مازال عندو موسم واحد فالعقد ديالو مع النادي، ولكن اللاعب عندو عروض من أندية أوروبية 2 منها فرنسية، وهذا الشي غايخلي البقاء ديالو مع الرجاء الرياضي صعيب بزاف.

ويعتبر يوسف بلعمري من ركائز الرجاء الرياضي، ومن أحسن اللاعبين فالبطولة الاحترافية، والغياب ديالو بسبب الإصابة كان أثر على الرجا مع بداية الموسم، ولكن اللاعب ديما عندو استقرار من ناحية المستوى وهذا بين عليه ملي رجع من الإصابة، وأكدو شحال من مرة، وآخرها ملي عيط عليه الناخب الوطني وليد الركراكي للمنتخب المغربي فالماتش الأخير ضد تنزانيا ضمن إقصائيات مونديال 2026، ولعب رسمي ودار مباراة مزيانة.