وكالات//

قتلو البوليس ديال سويسرا البارح الخميس واحد الإيراني عندو 32 عام فعمرو، بعدما وقف تران واحتاجز كاع الناس لي فيه.

على حساب ماقالت الصحافة ديال سويسرا، فهاد السيد طلع للتران مع الساعة 6.30 دالعشية، وهو يوقفو واحتاجز كاع الركاب لي كانو فيه.

كتقول كدلك أن المحتجز كان هاز فاس وجنوي وبدا كيهدد ف الناس، قبل مايحاولول البوليس يخرجوه بالهدوء.

وحاولو البوليس بميساجات على واتساب يتفاهمو معاه ويخرج الناس غير بشوية ولكن كاع المحاولات ديالهم فشلات.

ومن بعد ما سالا الصبر ديال البوليس دخلو عليه مع الساعة 10.30 ديال الليل وفين بغاو يدخلو بغا يضرب شي بوليسي بفاس ولكن البوليسي تيرا فيه وقتلو ف البلاصة.

كتقول البوليس ان التحقيقات الأولية لقات ان السيد إيراني كان باغي اللجوء، وان عدد الناس لي كان شادهم في التران كان هو 15 واحد، كلهم فحالة مزيانة.