گود سبور//

واصل المنتخب الوطني المغربي تحقيق الرباحات، وهاذ الشي قبل شهر واحد من كاس إفريقيا “المغرب2025”.

ونجح المنتخب الوطني المغربي وحقق رباح جديد وهذه المرة فـ ماتش ودي آخر على منتخب أوگندا اليوم الثلاثاء فـ تيران طنجة الكبير بنتيجة 4 -0، وماركا أهداف المنتخب المغربي كل من نائل العيناوي فـ الدقيقة 4، وإسماعيل الصيباري فـ الدقيقة 33، وسفيان رحيمي جاب بينالتي وماركاه فـ الدقيقة 79، وبلال الخنوس زاد الهدف الرابع فـ الدقيقة 88.

وعزز المنتخب الوطني المغربي بهذا الرباح الرقم القياسي العالمي ديالو د الرباحات المتابعين لـ18 رباح، وخلى المعنويات مرتفعة وسط الصفوف ديالو قبل شهر واحد تقريبا من كاس افريقيا، واخا كاينين انتقادات كثيرة للناخب الوطني وليد الركراكي بسبب شي اختيارات وكذلك بسبب التنشيط الهجومي وغياب الاستقرار وسط دفاع ليكيب ناسيونال.