وكالات//

أظهرت نجمة تلفزيون الواقع كيم كارداشيان جانبها كأم خلال زيارة لمعرض بطاقات بوكيمون فمدينة لاس فيغاس رفقة ابنها سانت اللي عندو 10 سنين.

وخلال الزيارة، قررات كيم تشري لولدها بطاقة ’’تشاريزارد اللامع” بثمن وصل لـ1300 دولار، بعدما كان مهتم فالأول ببطاقة أخرى قيمتها حوالي 100 ألف دولار.

الفيديو اللي توثق فالزيارة ورّى اللحظة اللي عطا فيها سانت الفلوس للبائع وتسلم البطاقة مغلفة بعناية، بينما كانت كيم كتلتقط ليه الصور قدام المتجر.

وكتبان هاد المبادرة كيفاش كيم كارداشيان كتحاول تدعم الاهتمامات والهوايات ديال ولادها، حيث سبق ليها خذات سانت حتى لمباريات كرة القدم، وكتشارك معه ومع إخوته الأربعة بزاف ديال اللحظات المرتبطة بالموسيقى والرياضة.

https://x.com/onecheetah1/status/2032868327354204529?ref_src=twsrc%5Etfw%7Ctwcamp%5Etweetembed%7Ctwterm%5E2032868327354204529%7Ctwgr%5Ec4ce694a2741ce78f48b7994ee487b8ef0028d82%7Ctwcon%5Es1_c10&ref_url=https%3A%2F%2Fwww.foochia.com%2Fcelebrities%2Fn91op5z