الرئيسية > تبركيك > بغى الناس تمشي فطريق الموت.. منسق البيجيدي گاليهم: الطيارة بين العيون والسمارة ماخاصهاش تكون
05/03/2019 00:00 تبركيك

بغى الناس تمشي فطريق الموت.. منسق البيجيدي گاليهم: الطيارة بين العيون والسمارة ماخاصهاش تكون

بغى الناس تمشي فطريق الموت.. منسق البيجيدي گاليهم: الطيارة بين العيون والسمارة ماخاصهاش تكون

محمود الركيبي – كود العيون //

خلال أشغال دورة المجلس الجهوي بالعيون لشهر مارس، تفاجئ جل أعضاء مجلس جهة العيون الساقية الحمراء، من تصريح عضو المعارضة من حزب العدالة والتنمية ومنسق الحزب فالعيون محمد لمين ديدة، لي خربقها فواحد الكلمة مافيها مايتشاف وگاليهم بأن اتفاقية الشراكة لي عقدها مجلس الجهة مع الخطوط الملكية المغربية مخاصهاش تشمل مدينة السمارة.

وأضاف المنسق الجهوي لحزب العدالة والتنمية، بأن الرحلات الجوية بين العيون والسمارة، ستكلف فقط ميزانية الدولة ماديا ومعندها أي مردود اقتصادي، وماخاصهاش اتكون حسب تعبير هاد الفاهم لي دار عملية حسابية مع راسو، ونسى مطالب الساكنة.

كلام هذا المنسق لي دائما عندو مداخلات غريبة وعندو منطق المعارضة من أجل المعارضة فمجلس كيخدم وبشكل منسجم مع جميع أطيافو،  ولكن منسق العدالة والتنمية ماشي عكس التيار، ومتشبع بتوجهات متخلفة، و بغى يوقف وحدو ضد رغبات الساكنة ويحرمها من ركوب الطائرة بسعر منخفض واصل لغير 300 درهم، وبزاف غادي يتهنى من طريق الموت حتى تصلح.

موضوعات أخرى