وكالات//

تحولات محاولة تصوير جريئة لمقطع ديال فيديو على “تيك تك” لكارثة فين هاجم واحد السبع على راجل في مزرعة بإقليم البنجاب في باكستان.

على حساب ما قال موقع “ان دي تي في” دخل محمد عظيم، القفص ديال السبع بدون إذن مالك المزرعة وقرب من الحيوان بشكل خطير في محاولة منو باش يصور مقطع فيديو انتشر على نطاق واسع.

البوليس ديال باكستان قالو إن “عظيم قرب من السبع بتلفون وهاجمو وهو شي لي تسبب ليه في جروح فراسو ويديه ورجليه”.

وسمع المالك ديال هاد المزرعة الغوات ديال السيد وهو يجري وهزو داه للسبيطار، ووصفو الحالة ديالو بأنها خطيرة بزاف.

وقالو البوليس أنهم تاخدو بزاف ديال الإجراءات ضد مول المزرعة، من بينها أنهم حيدو ليه الرخصة ديال أنه يربي هاد الحيوانات.