كود سبور//

كانت غادي تشفر الدار ديال النجم الإسباني من اصل مغربي لامين يامال فالصبليون، وهذا الشي فالوقت اللي ناشط فيه هو وفرحان مع الاسبان بالتأهل لفينال مونديال 2026، بعدما ربحو فرنسا فالدومي فينال البارح الثلاثاء بنتيجة 2-0.

وحسب جريدة Elmomundo الإسبانية، فكانت محاولة  فجر اليوم الثلاثاء لسرقة دار لامين يامال، بواسطة جوج د الأشخاص ملثمين بغاو يدخلو للدار فمنطقة إسبلوگيس دي يوبريگات فبرشلونة، ولكن السيكيريتي حصلوهم وهما كايحاولو يطلعو مع الحيط د الزنقة.

وهما يهربو هادوك الجوج شفارة بلاما توقع شي حادثة، ومن وراها عيطو السيكيريتي للبوليس واللي بدات التحقيق فالواقعة، ومشات بريگاد لدار لامين يامال باش يتأكدو من سلامة الوضع.

وسجلت كاميرات المراقبة المنزلية الحادثة كلها، ودابا المحققين كايقلبو التسجيلات والقضية مفتوحة وخدام قسم التحقيقات الجنائية على توضيح ملابساتها وتحديد هوية المسؤولين.