الرئيسية > آش واقع > بغاو يبانو مطورين هاد الاغبياء. مع اول يوم لبايدن فالبيت الابيض. البوليساريو: مع المفاوضات بلا ما نحطو السلاح
20/01/2021 14:44 آش واقع

بغاو يبانو مطورين هاد الاغبياء. مع اول يوم لبايدن فالبيت الابيض. البوليساريو: مع المفاوضات بلا ما نحطو السلاح

بغاو يبانو مطورين هاد الاغبياء. مع اول يوم لبايدن فالبيت الابيض. البوليساريو: مع المفاوضات بلا ما نحطو السلاح

علي الصافي العيون كود ////

البوليساريو باغية تبان ذكية ومطورة. فاول يوم لبايدن فالبيت الابيض خرجات كتقول باللي راها مستعدة لاستثناف المفاوضات مع الامم المتحدة حول وضع الصحراء الغربية.
غير هاد الاستعداد دارتو مشروط. شرطها انها تبقى هازة السلاح. اي ما ناوياش توقف ما تسميه “الكفاح المسلح”. طبعا هاد الهدرة غير تسكن بيها ناسها فالمخيمات وصافي.

هاد الهدرة قالها سيدي ولد أوكال الأمين العام لوزارة الأمن فمؤتمر ديالو. قال باللي الجبهة ف”الفترة الماضية أعطينا ثقة كاملة للمجتمع الدولي وأوقفنا الكفاح بصفة نهائية وانتظرنا 30 سنة من المماطلة والوعود الكاذبة والانتظار الممل”.

المؤتمر الصحافي اللي حضر ليه الممثل الدائم لجبهة بوليساريو لدى الأمم المتحدة عمر سيد محمد، قالو فيه باللي بالنسبة ليهم “هذا الكفاح سيستمر هناك مفاوضات وليست هناك مفاوضات. وهذا انطلاقا من التجربة الماضية للشعب الصحراوي”.

طبعا عطاها للكذوب عاين باين باش قال باللي كاينة حرب من 67 يوم بعد ما سماه انتهاك اطلاق النار اللي كان تبرم برعاية اممية سنة 1991

وهدد المغرب هاد السيد باش قال باللي دارو 500 عملية. فين هما اللي عارفينها وباللي غاديين يصعدو

شوهو باش بدا الجيش الجزائري من الاثنين مناورات جوية وبرية. بان باللي كلشي كلامهم غير كذوب.

الاعتراف الاميركي بمغربية الصحراء هرس الجزائر اما البوليساريو غير كتخربق

موضوعات أخرى