سعيد الشاوي كود مكناس////
تشرف علي معرض دولي كبير للفلاحة بحال مكناس فمدة قصيرة راه فحد ذاتو حدث. تنظمو ويصدق هادي خاصك من الاضافة للخدمة والاشراف اليومي بزافت البركة ديال لجواد.
اليوم 27 ابريل 2025 تختاتم “المعرض الدولي للفلاحة” 2025. فهاد الدورة 17 من الملتقى الدولي للفلاحة بالمغرب اللي بدات نهار 21 ابريل بشعار “”الفلاحة والعالم القروي: الماء في قلب التنمية المستدامة”٬ شهدات نجاح كبير.
حسب بيان المنظمين حضر ليه ازيد من مليون زائر. فيهم نسبة كبيرة للتلاميذ وهادا مهم بزاف بزاف لتعبئة جيل المستقبل لمواضيع الفلاحة والعالم القروي والما.
دورة ناجحة ماشي غير جماهيريا. راه شركات فيها 70 دولة قدم فيه 1580 عارض اخر ما عندهم.
الملتقى الدولي للفلاحة كان فرصة للنقاش العلمي. دارت 55 ندوة علمية.
وبحال المعارض الدولية كانت لحظة تسليم جوائز التميز من اهم الاحداث. تسلمات 93 جائزة للتميز فيها افضل مربي للمواشي وافضل وحدات للانتاج وافضل الزيوت البكر الممتازة وافضل العارضين.
احمد لبواري وزير الفلاحة والصيد البحري والتنمية الفلاحية وصل لهاد القطاع من الما. كيعرف مزيان القطاع وتحدياتو. وصل وخدم بصرامة وبصمت. معاه جا موسم فلاحي متوسط بعد ما كان الجفاف كيهددنا لموسم اخر.
خدام كينقي فقطاع نعس فالسنوات الثلاث الاخيرة. بدا بونظيف كبير وطيح شي مدراء كانو يعتقدو باللي خالدين. مازال شي مسامر الميدة ولكن غادي معاهم بشوية وصافي.
وزير قدر يرجع للقطاع نظارتو. غادي فالطريق الصحيح لحد الان. خاصو يزيد يخدم. حدث بحال هادا كان ناقص اعلاميا شوية. اذاعات وصحف وقنوات دارو مجهود ولكن بقى ناقص مقارنة باشعاع حدث بحال هادا
