كود – وكالات//

علن الحرس الثوري الإيراني اليوم الثلاث باللي طلق صاروخ باللون الوردي، مع الموجة الأخيرة ديال الهجمات الصاروخية اللي دار على إسرائيل، وقال باللي هاد الخطوة جات كتكريم لبنت إيرانية طلبات هاد الشي.

الصاروخ الوردي اللي تطلق جا بعد ما انتاشر فيديو ديال بنت صغيرة كانت كتطلب فيه يتطلق صاروخ وردي ف اتجاه تل أبيب ،ومن بعد هاد الفيديو، الحرس الثوري نشر صورة لصاروخ وردي ومكتوب عليه: “ديديكاس لطلب بنية ثورية”.

ماشي هادي أول مرة  كيديرها الحرس الثوري حيت سبق دار ديديكاس فواحد الصاروخ رسم عليه صورة سانشيز مني رفض يتعاون مع ماريكان فالحرب ديالها ضد إيران .