الرئيسية > آش واقع > بعيوي واخا حكمات عليه المحكمة بتبذير المال العام.. داير منتدى دولي باش يلمع صورتو
26/03/2019 16:30 آش واقع

بعيوي واخا حكمات عليه المحكمة بتبذير المال العام.. داير منتدى دولي باش يلمع صورتو

بعيوي واخا حكمات عليه المحكمة بتبذير المال العام.. داير منتدى دولي باش يلمع صورتو

يونس أفطيط – كود//

عبد النبي بعيوي رئيس جهة الشرق اللي حكمات عليه محكمة جرائم الاموال ففاس قبل أيام، بالحبس النافذ سنة واحدة فقضية تبذير المال العام، دار كلمة افتتاحية فالمنتدى الدولي للتعاون والشراكات المحلية.

هاد المنتدى لي دارو بشراكة مع وكالة تنمية الاقاليم الشرقية، لي تاهي عليها بزاف دالهضرة ومن نهار دارت وعلى رأسها لمباركي، ما وقعات لا تنمية لا والو فالجهة الشرقية.

بعيوي وبوجهو حمر هضر على التعاون مع الجهات الافريقية والتنمية، هاد السيد حشومة يمثل المغرب فهاد المنتدى الدولي لي حضرو ليه بزاف ديال المسؤولين الافارقة، وكان الاجدى أن متهما ومحكوم عليه فقضية تبذير المال العام يتكمش ويخلي الكلمة الافتتاحية لشي منتخب أكثر نزاهة ونظافة يد.

طبعا هاد الكلمة الافتتاحية غادي تلمع صورتو، ولكن الفضيحة هي يلا عرفو المسؤولين الافارقة الحاضرين فهاد المنتدى أن المنظم تحكم عليه بعام دالحبس فقضية تبذير المال العام.

موضوعات أخرى