الرئيسية > آش واقع > بعيوي “ملك الشرق” اللي كيخلع الوالي والمرشحين. داير ما بغى واللي دوى يرعف
07/09/2021 20:00 آش واقع

بعيوي “ملك الشرق” اللي كيخلع الوالي والمرشحين. داير ما بغى واللي دوى يرعف

بعيوي “ملك الشرق” اللي كيخلع الوالي والمرشحين. داير ما بغى واللي دوى يرعف

كود وجدة///

على بعد يوم واحد من التصويت، تخوف سياسيون ومرشحون من الحملات المشبوهة للبام بجهة الشرق، خصوصا في مدينتي الناظور ووجدة.

فمدينة الناظور رفيق مجعيط خرق المنع لي دارتو الداخلية ودار تجمعات فيها اكثر من الف شخص امام اعين السلطة لي مامنعاتوش بتاتا حيث يدعي ان صديقه بعيوي له علاقة قوية مع الوالي. خصومو كيهدرو باللي الوالي كيخاف منو گاع٬ بينما فوجدة كيدعيو وحسب مصادر مطلعة أن عندهوم دعم الداخلية. هو كيقول لصحابو باللي صاحبو عبد الوافي لفتيت وزير الداخلية.

هاد الادعاءات خلات عدد من السياسيين والمرشحين يرفضو يعطيو اي تصريح حول مرشحي البام و”ملكهم” عبد النبي بعيوي، او اي تصريح على صحة ادعاءات العلاقة التي تجمع الباميين مع رجال السلطة، وخصوصا الاتهام الموجه لوالي جهة الشرق، بل وصل بالباميين تطاول انهم يقولو ان حتى لفتيت كيدعمهوم فجهة الشرق.

هاد الادعاءات دخلات الخوف للمرشحين الاقوياء وخلات عدد منهوم يرفض بتاتا الحديث حول هاد الموضوع، وياكد أنه مستاعد يهضر ويعطي تصريح فحاجة أخرى، اما البام والسلطة تاواحد ماقدر يهضر عليهم.

هاد بعيوي طلق شي كلاب ديالو كيتاصلو بصحافيين وكيقولو ليهم بحقارة وتهديد “علاش “كود” كتكتب على بعيوي. اعتاقد هاد المخلوق انو بصاح “ملك الشرق”.

موضوعات أخرى

27/09/2021 21:30

توقع. أمزازي غادي يبقا وزير للتربية الوطنية واحتمال يجمد العضوية ديالو فـ الحركة الشعبية.. والعنصر لـ”كَود”: إيلا بغاه سيدنا ماعندنا مانقولو