وكالات//

ماتت دوروثي هوفنر، اللي كاع العالم هضر عليها السيمانا لي فاتت، بعدما ولات أكبر امرأة في العالم كتنقز بالمظلة، وهي في عمرها 104 عام.

على حساب بزاف الصحف في مريكان، فهاد السيدة الميريكانية الكبيرة في العمر، لقاوها ميتة فدار العجزة فكاليفورنيا، وعلى ما بان، فراها ماتت فالنعاس.

وفي اللول من هاد الشهر، كانت صورتها في كاع الجورنالات والمواقع في العالم، ولات مرشحة بقوة باش تدخل في موسوعة كَينيس ديال الأرقام القياسية كأكبر سيدة في العمر لي كتنقز بالباراشيوت.

ونقزات هوفنر من طيارة على بعد كثر من 4 كيلوميترات في السما، وقالت مللي وصلات للأرض بأن “العمر هو مجرد أرقام وصافي”.