وكالات//

بعد كثر من 8 سنين من النزاعات القانونية، أخيرا قدر النجم براد بيت، 61 عام، والممثلة أنجلينا جولي، 49 عام، أنهم يتوصلو لتسوية نهائية بخصوص الطلاق ديالهم.

وبدات القصة في 2016 فين  قدمات جولي طلب الطلاق، باش تسالي العلاقة لي دامت 12 عام، منها عامين كزوجين رسميين.

على حساب مقال محامي أنجلينا جولي، جيمس سيمون، فاتفاق الطلاق تسنا رسميا نهار 30 ديسمبر 2024.

وأكد أن أنجلينا جولي ركزات فهاد الفترة على أنها تلقى السلام لعائلتها، وأكد أن جولي كتحس بالسلام والهناء بعدما سالات هاد الفصل من الحياة ديالها.

وبدات المشاكل بيناتهم بعد رحلة طيران في سبتمبر 2016، فين تاهمات جولي بيت بأنه أهانها هي والأطفال ديالها، ولكن ماوجهات ليه حتى شي تهم قانونية.

ومن بين أبرز المشاكل لي كانت بيناتهم هي ازمة حضانة الدراري الصغار:  مادوكس، 23 عام، باكس، 21 عام، زهرة، 19 عام، شيلوه، 18 عام، والتوأم نوكس وفيفيان، 16 عام.

وكان بيناتهم كذلك صداع على ملكية Château Miraval، وهو ورث فرانساوي القيمة ديالو اكثر من 164 مليون دولار.