وكالات //

بدات المغنية الميريكانية بريتني سبيرز، كترجع لحياتها الطبيعية شويا بشويا، بعدما ما تحيدات عليها الوصاية ديال باها بقرار من المحكمة، وغادي ترجع تغني بعد 6 سنين كانت غايبة فيها وما خرجات فيها حتى شي أغنية.

و قررات بريتني ترجع تغني، واختارت يكون الروتور ديالها بديو غنائي لأغنية كلاسيكية مع المغني النكَليزي المشهور إلتون جون.

تقارير صحفية، قالت بللي أغنية بريتني سبيرز وإلتون جون غادي تكون نسخة جديدة من أغنية إلتون  “Tiny Dancer” اللي كان خرجها ف1972.

https://m.youtube.com/watch?v=LeBoB3ZfBpY

الأغنية غادي تخرج الشهر الجاي، وهي من اقتراح إلتون، وكانت تلاقات معاه بريتني فالأستوديو السيمانة اللي فاتت وسجلوها بجوج.