وكالات//

“عبرو الأطباء على قلقهم بخصوص الحالة الصحية ديال رائدة الفضاء سونيتا ويليامز (59 عام)، بعدما بانت فصور جديدة مللي رجعات للأرض مع زميلها بوتش ويلمور (62 عام) بعد 286 يوم فالفضاء.

وكتبين فالصوَر المظهر ديالها الرقيق بزاف ويديها الرفيعين بزاف، اللي كيظهر أن وزنها نقص وعضلاتها تراجعة بزاف، وزايد عليها نقص فالكثافة ديال العظام بسبب غياب الجاذبية، حسب ما قالت “الديلي ميل” البريطانية.

فالصوَر ديال ويليامز، قبل وبعد، كيبان شعرها الرمادي بوضوح، والتجاعيد ديال وجهها زادت بعمق، ووجهها ولا نحيف أكثر.

ولكن الخبراء كيشيروا لحقيقة أنهم بجوج بداو يمشيو بعد أقل من 24 ساعة من رجوعهم وهادي حاجة مفرحة، حيث كانو كيخافو ما يسترجعوش هاد القدرة لعدة أيام.

وكان من المفروض أن ويليامز وويلمور يقضيو غير 8 أيام فمحطة الفضاء الدولية ملي طلعو ف5 يونيو، ولكن بسبب مشاكل تقنية فالمركبة ديالهم (ستارلاينر) اللي كتنتجها شركة “بوينغ”، وكالة ناسا اضطرت تأجل رجوعهم حتى يقدرو يرجعو لبلادهم على متن مركبة أكثر أمان.”